Hayo yamezungumzwa na Mhadhiri Msadizi kutoka Ndaki ya Misitu, Wanyamapori na Utalii Bw. Japhet Mwambusi  ambaye alimwakilisha Kaimu Rasi wa Ndaki hiyo, Dkt. Agnes Sirima katika zoezi la  usafi lilifanyika katika bustani ya mimea yaani  Botanic Gadern katika kampasi ya Edward Moringe iliyopo chuoni hapo .

Amesema wanafunzi wakiwa masomoni washirikiane na jamii pamoja na wadau mbalimbali katika kuhifadhi mazingira  ili  kuzidi kuonesha mchango wao katika shughuli hizo jambo litakalowapatia uzowefu utakao wasaidia mbeleni.

Hii inaweza kuwasaidia mara baada ya kuhitimu masomo yao kuweza kuanzisha makampuni yao binafsi  kama vile ya uzalishaji wa miti, uzalishaji wa asali na waweze kuonesha ufaulu mzuri katika masomo yao’’, alisema Bw. Mwambusi

Naye  Mwenyekiti wa Tanzania Forest Students Association (TFSA) Msumi Mkomwa ameeleza kuwa katika zoezi hilo wemeweza kupata elimu juu ya ufugaji wa nyuki na mazo yake uongezaji thamani ya mazao yatokanao na misitu pamoja na  kufanya utalii wa ndege (bird watching).

Kwa upande wake mmoja ya wanafunzi wa mwaka wa kwanza Bw. Asililo Bujimu amewashauri wanafunzi wenzake kutosita kwenda kushiriki katika usafi wa mazingira ili waweze kujifunza vitu mbalimbali ambavyo vitawasaidia katika masomo pamoja na maisha yao mara baaada ya kuhitimu  elimu ya chuo kikuu.

Na Gojo Mohamed - Morogoro